Бронзавыя прызёры ралі-рэйду "Дакар-2020" вярнуліся ў Беларусь

Сустрэлі хлебам-соллю! У Мінску сёння прызямліўся рэйс з прадстаўнікамі каманды "МАЗ-СПОРТаўта". Тры беларускія экіпажы на працягу двух тыдняў пакаралі пустыні Саудаўскай Аравіі, дзе праходзіў ралі-рэйд "Дакар-2020". Капотны МАЗ пад кіраваннем Сяргея Вязовіча заняў трэцяе месца ў агульным заліку. Сустракала гоншчыкаў вялікая група балельшчыкаў і, вядома, родныя.

"МАЗ-СПОРТаўта" - другі раз у гісторыі на п'едэстале "Дакара"

Цяперашні подыум - другі ў гісторыі МАЗа. Упершыню на п'едэстал беларусы падняліся ў 2018-м. Тады экіпаж Сяргея Вязовіча ўзяў серабро. У наступным годзе ралі-рэйд пройдзе таксама ў Саудаўскай Аравіі. Праўда, ёсць верагоднасць, што маршруты будуць праходзіць і ў суседніх краінах.