Адным з першых, хто сустрэў нашых залатых лэдзі з п'едэстала, стаў мой калега Станіслаў Ліпскі. Яму атрымалася практычна ў рэжыме бліц-інтэрв'ю распытаць чэмпіёнак і даведацца, наколькі цяжкія гэтыя залатыя алімпійскія медалі... Уважліва сачыў ён і за сённяшняй гонкай нашых мужчын-біятланістаў. На медалі яны не прэтэндавалі, але на фінішы парадавалі - восьмая пазіцыя... Як-ніяк, паўтор лепшага выніку за апошнія тры гады. І глядзіце ўжо зараз вялікі рэпартаж з Пхёнчхана.
Расказвае Станіслаў Ліпскі.
Ганна Гуськова ў суботу, жаночая зборная краіны па біятлоне сёння - другі раз прымусілі мільярды жыхароў планеты паслухаць і прасякнуцца гімнам Беларусі. Словы "Сэрцам адданыя роднай зямлі", дзякуючы алімпійскаму вяшчальнаму каналу сёння гучалі ў дзясятках краінах свету на розных кантынентах. У такія моманты эмоцыі стрымліваць складана - неўсвядомлена даеш волю пачуццям, а як інакш?! Адразу чатыры беларускія дзяўчыны атрымалі золата Алімпіяд. Сёння мы - лепшыя ў свеце. І ўсведамленне гэтага факту неацэннае.
Праз паўгадзіны пасля цырымоніі ўзнагароджання чэмпіёнкі Гульняў ужо ва ўласнай студыі Белтэлерадыёкампаніі ў Міжнародным вяшчальным цэнтры. Эксклюзіўнае інтэрв'ю запісана спецыяльна для "Дзённіка Алімпіяды". У гэтыя хвіліны Ганна Эйсмант рыхтуе выпуск да эфіру - не прапусціце.
Мужчынская зборная Беларусі па біятлоне тым часам у сваёй эстафеце спрабавала скокнуць вышэй за галаву, і Антон Смольскі глядзеўся вельмі ўпэўнена. Свой этап ён завяршыў на высокім шостым месцы з адставаннем ад Лесера ўсяго 28 секунд. Далей Раман Ялётнаў падтрымаць пачынанне Антона не змог, беларусу прыйшлося прабегчы штрафны круг. Сяргей Бачарнікаў на сваім этапе двойчы наведаў штрафную пятлю. Як вынік, перад Уладзімірам Чапеліным стаяла лакальная задача на сваім этапе - прабіцца ў топ-8, з чым беларус упэўнена справіўся. Намаганнямі Чапеліна Беларусь абышла і Славенію, і Украіну - восьмае месца ў выніковым пратаколе ў нашых спартсменаў.
Швецыя прадоўжыла здзіўляць свет біятлона - менавіта прадстаўнікі Трэкруноў сёння выйгралі золата, другія - нарвежцы, трэцяе месца ў Германіі.
Гэта ўжо ўзбярэжны кластар і алімпійскі канькабежны авал. Ігнат Галавацюк змагаўся за трапленне ў топ-20 на дыстанцыі 1000. Шкада, не атрымалася. Беларус - 28-ы. Чэмпіёнам стаў чарговы прадстаўнік Нідэрландаў - гэтым разам не было роўных К’елду Нуйсу.
Такой склалася пятніца 23 лютага для нашай краіны. Заўтра ў Пхёнчхане будзе разыграна 6 камплектаў узнагарод.
Сочым за выступленнем Міхаіла Сямёнава беларускага лыжніка чакае 50 кіламетраў марафона. У канькабежным спорце ў жаночым і мужчынскім мас-стартах сочым за Марынай Зуевай і Віталем Міхайлавым адпаведна.
