Прафесійнае майстэрства на біятлоннай трасе ў Ханты-Мансійску паказаў сёння Антон Смольскі і з ідэальнай стральбой падняўся на п'едэстал па выніках спрынтарскай гонкі. Да другога этапу Кубка Расіі Смольскі падыходзіў пасля невялікай хваробы і сёння зрабіў усё, што ад яго залежала. Наш спартсмен у ліку прызёраў з бронзай. У топ-10 таксама беларусы - Лазоўскі, Тулацін і Варабей.
На тэлеканале "Беларусь-5 інтэрнэт" - першыя хвіліны трансляцыі жаночай спрынтарскай гонкі. Перажываем за беларусак, у тым ліку за лідара каманды ў сезоне - Ганну Солу. Яе стартавы нумар - 24.
