Беларуска Аліна Гарнасько стала абсалютнай чэмпіёнкай турніру па мастацкай гімнастыцы ў Іспаніі

У іспанскім Плая-дэ-Аро завяршыўся традыцыйны міжнародны турнір па мастацкай гімнастыцы Winter Queen Cup, паведамляе БЕЛТА.

Беларускую дарослую каманду на спаборніцтвах прадстаўлялі бронзавая медалістка Алімпійскіх гульняў Аліна Гарнасько і прызёр чэмпіянатаў свету Анастасія Салас, сярод юніёрак выступала Ніколь Лявута. Як і год таму, абсалютным пераможцам турніру стала Гарнасько, якая паказала лепшую суму ў мнагабор'і (139,484 бала), а таксама атрымала найвышэйшыя ачкі ва ўсіх фіналах асобных практыкаванняў. Па выніках усіх пяці відаў праграмы ў сеньёрак на другую прыступку п'едэстала, саступаючы толькі сяброўцы па камандзе, паднімалася Салас.

У юніёрскіх спаборніцтвах Лявута ўстроіла такое ж дамінаванне, як і Гарнасько. Ніколь  перамагла ў праграмах з мячом, абручом, булавамі і стужкай, а таксама ў мнагабор'і. Усяго ў турніры III Winter Queen Cup ўдзельнічалі 570 грацый з Беларусі, Іспаніі, Андоры, Бельгіі, Грэцыі, Францыі, Вялікабрытаніі, Італіі, Літвы, Румыніі і Аб'яднаных Арабскіх Эміратаў.