Беларус Дзмітрый Карпук заваяваў золата ў штурханні ядра на моладзевым чэмпіянаце Еўропы

Залаты медаль чэмпіянату Еўропы па лёгкай атлетыцы заваяваў беларус Дзмітрый Карпук у спаборніцтвах у штурханні ядра. Кантынентальны форум для атлетаў да 23 гадоў праходзіць у гэтыя дні ў Эстоніі. У лепшай спробе Дзмітрый адправіў снарад да адзнакі 20,33 і стаў адзіным, каму ў гэты дзень пакарылася 20-метровая метка. Серабро заваяваў прадстаўнік Турцыі Алперэн Карахан, які паказаў у лепшай са спроб вынік 19,75. Бронзавым прызёрам стаў грэчаскі спартсмен Адзісеас Музенідзіс, які ў заключным выхадзе ў сектар паказаў 19,41 і пасунуў на чацвёртую пазіцыю яшчэ аднаго беларускага штурхальніка Алега Тамашэвіча.