Супраць патрабавання абавязковай вакцынацыі ад каранавіруса падчас міжнародных паездак выступіў камітэт Сусветнай арганізацыі аховы здароўя. Пазіцыю эксперты матывавалі тым, што доступ да вакцын у свеце застаецца абмежаваным, а іх размеркаванне не роўным.
У цэлым краінам рэкамендавана разглядаць пытанне аб спрашчэнні міжнародных паездак на аснове ацэнкі рызык. Высновы былі агучаныя па выніках пасяджэння Камітэта СААЗ па надзвычайных сітуацыях.
План па адкрыцці мяжы апублікавала адміністрацыя прэзідэнта ЗША. І ён як раз уключае патрабаванне аб абавязковай вакцынацыі практычна ўсіх замежных наведвальнікаў. Выключэнне - дзеці да 18 гадоў.
