Фінальным акордам II Еўрапейскіх гульняў стане цырымонія закрыцця. Дарэчы, флаг панясе наша знакамітая байдарачніца Марына Літвінчук. У Заслаўі наша атлетка выйграла чатыры ўзнагароды. Два золаты, прычым адно з іх у алімпійскай дысцыпліне, а таксама серабро і бронзу.
І як сёння стала вядома, госцем на стадыёне "Дынама" стане кіраўнік Міжнароднага алімпійскага камітэта Томас Бах. Адзначым, урачыстая цырымонія пачнецца ў 22:00. Прамую трансляцыю будзе весці Белтэлерадыёкампанія. Пачатак у 21:50 на "Беларусь 1" і "Беларусь 5".
Арганізатары просяць усіх гасцей прыходзіць загадзя, забаўляльная праграма стартуе ўжо ў 20:00.
