Галоўны трэнер зборнай Беларусі вынікамі моладзевага чэмпіянату Еўропы па лёгкай атлетыцы задаволены

Вынікамі моладзевага чэмпіянату Еўропы па лёгкай атлетыцы задаволены. Так рэзюмаваў выступленне беларусаў у Швецыі галоўны трэнер зборнай Юрый Маісевіч. 

У медальным заліку наша каманда заняла восьмае месца. 5 узнагарод у скарбонцы. Золата заваяваў Максім Недасекаў у скачках у вышыню. Ён паўтарыў свой лепшы вынік у сезоне - 2 метры 29 сантыметраў. На вышэйшую прыступку п'едэстала паднялася Эльвіра Герман у бегу на 100 метраў з бар'ерамі.

Далей нашы спартсмены будуць рыхтавацца да матчавай сустрэчы па лёгкай атлетыцы ЗША-Еўропа. Пляцоўкай спаборніцтваў стане Мінск 9 і 10 верасня. А затым галоўны старт сезона - чэмпіянат свету, які пройдзе ў Катары з 27 верасня па 6 кастрычніка.