У Мінскай вобласці рэканструююць дарогу Р53 Слабада - Навасады на ўчастку ад Смалявіч да Жодзіна.
З улікам вялікага трафіку і запатрабаванасці гэтага напрамку траса стане бетоннай і шырокапалоснай. Пры гэтым хуткасна бяспечнай: на ёй, напрыклад, не будзе перасячэнняў. (сельгастэхніку пусцяць праз тунэлі). Паводле слоў спецыялістаў, дабрацца з Мінска ў горад машынабудаўнікоў і назад з Жодзіна ў сталіцу можна будзе менш чым за паўгадзіны.
У планах дарожных будаўнікоў таксама мадэрнізаваць і аўтадарогу Р23 Мінск - Мікашэвічы. Ад сталіцы да Салігорска яна ўжо абноўлена, маецца і праект шырокапалоснай трасы на 10 км наперад ад горада шахцёраў.
