Учарашні дзень запомніўся вялікім перагаворным марафонам. Двухбаковае партнёрства кіраўнікі дзяржаў абмеркавалі ў фармаце адзін на адзін. Асаблівая ўвага эканамічнаму супрацоўніцтву. Лічбы сумеснага гандлю прыкметна знізіліся. Звяртаючыся да свайго калегі, Аляксандр Лукашэнка выказаў упэўненасць, што краіны выведуць адносіны на больш высокі ўзровень, у тым ліку ў гандлі, што паўплывае на павелічэнне тавараабароту. Прэзідэнт Сербіі не сумняваецца: візіт беларускага лідара стане стымулам для развіцця адносін паміж краінамі і павялічыць наш гандаль да 500 мільёнаў долараў. На сустрэчы акцэнт зрабілі на тым, як у сучасных рэаліях далей наладжваць двухбаковае эканамічнае партнёрства. Аляксандр Лукашэнка растлумачыў: буйныя геапалітычныя гульцы, каб выжыць у канкурэнцыі, ствараюць напружанае становішча ў свеце. Але нягледзячы на гэтыя ўмовы, Беларусі і Сербіі ўсё роўна па дарозе.
Перамовы ў фармаце адзін на адзін прайшлі ў цёплай сяброўскай атмасферы і прадоўжыліся больш, чым было запланавана. Не чакаючы заканчэння афіцыйных мерапрыемстваў, лідары адразу абмяняліся падарункамі і пасля далучыліся да дыялогу ў пашыраным складзе. Асаблівасць двухбаковых адносін у тым, што краіны ніколі не ставілі адна адной папярэдніх умоў. Партнёрства трымаецца выключна на сяброўстве і даверы. Словы падмацавалі справай. У прысутнасці прэзідэнтаў падпісаны шырокі пакет дакументаў. Сумеснымі намаганнямі будуць развіваць інавацыі, лічбавыя тэхналогіі, таксама намечаны дзясятак сумесных навуковых праектаў.
Завяршыўся візіт Кіраўніка беларускай дзяржавы ў Сербію
4 декабря 2019