У трохбаковым фармаце прэзідэнты абмеркавалі гандлёва-эканамічныя выклікі і некаторыя міжнародныя пытанні. Закранулі і знакавую дату - 70-годдзе Вялікай Перамогі. На думку Аляксандра Лукашэнкі, напярэдадні вялікага свята краіны павінны прадэманстраваць сваё адзінства і эканамічна, і палітычна. Бо разам дзяржавы паспяхова змогуць супрацьстаяць міжнародным пагрозам і выклікам. Знаходзіцца ў пастаянным кантакце і звяраць гадзіннікі па найбольш актуальных праблемах сучаснасці на сустрэчы заклікаў калег і прэзідэнт Казахстана. Адной з тэм перамоў таксама стала сітуацыя ва Украіне. Як адзначыў Уладзімір Пуцін, Масква разлічвае на выкананне Кіевам мінскіх дамоўленасцяў. Перамовы ў закрытым фармаце доўжыліся больш за гадзіну. Актуальныя пытанні еўразійскай інтэграцыі прэзідэнты дамовіліся абмеркаваць 8 мая ў Маскве. Пра гэта журналістам паведаміў Аляксандр Лукашэнка.
Аляксандр Лукашэнка, Прэзідэнт Рэспублікі Беларусь: "Толькі што тут было сказана, што ў нас за мінулы і гэты год тавараабарот парадкам знізіўся, прыкладна на 15-16% у ЕАЭС. Гэта тэндэнцыя нядобрая, хоць мы бачым прычыны. Ёсць складаныя пытанні, якія трэба вырашаць, але ёсць і простая формула для таго, каб тавараабарот унутры нас рос, натуральна, трэба гандляваць уласнымі таварамі. І мы пра гэта гаварылі. Арыентацыя на тое, каб наш унутраны рынак запоўніць уласнымі таварамі - гэта пытанне нумар адзін. Для нарошчвання тавараабароту ўнутры саюза неабходна забяспечыць зняцце бар'ераў. Гэтага таксама быць не павінна. Тады прасцей будзе і нарошчваць тавараабарот".
Уладзімір Пуцін, Прэзідэнт Расіі: "Мы дамовіліся з партнёрамі прадоўжыць каардынацыю манетарнай палітыкі. Думаем, прыйшоў час пагаварыць і аб магчымасці фарміравання ў перспектыве валютнага саюза. Працуючы плячо у плячо, прасцей рэагаваць на фінансава-эканамічныя пагрозы, прасцей абараняць наш сумесны рынак. У бягучым годзе трэба будзе прыняць больш за 100 важных дакументаў для ўмацавання прававой базы Еўразійскага эканамічнага саюза. Павінен быць прыняты новы Мытны кодэкс, канцэпцыя фарміравання агульных рынкаў электраэнергіі, газу, нафты і нафтапрадуктаў. Акрамя таго, неабходна скласці міжнародныя дагаворы, якія рэгулююць узаемадзеянне ў валютна-фінансавай і сацыяльна-эканамічнай сферах".
Нурсултан Назарбаеў, Прэзідэнт Казахстана: "2015 год стане годам выпрабаванняў на трываласць створанай намі еўразійскай эканамічнай мадэлі развіцця нашых краін. Нашы эканомікі ў 2015 годзе патрабуюць ад нас дэталёвага абмеркавання далейшага нашага ўзаемадзеяння і вырашэння пытанняў, якія будуць узнікаць. Нам важна выпрацаваць сумесны план дзеянняў па пераадоленні крызісных з'яў у нашых эканоміках".
Падрабязнасці трохбаковай сустрэчы прэзідэнтаў Беларусі, Расіі і Казахстана - у нашых наступных выпусках.
