Рэфармаванне Падатковага кодэкса, пытанні прадпрымальніцкай дзейнасці і стварэнне Міністэрства лічбавай эканомікі.
Такое шырокае кола пытанняў Прэзідэнт Беларусі абмеркаваў са старшынёй Савета па развіцці прадпрымальніцтва Аляксандрам Турчыным. З кастрычніка праца Савета ідзе ў абноўленым рэжыме. Кіраўнік дзяржавы падпісаў указ, які надзяляе Савет дадатковымі паўнамоцтвамі. Прэзідэнт анансаваў, што гатовы сустрэцца з удзельнікамі гэтай структуры для абмеркавання актуальных пытанняў. Нагадаем, у канцы мінулага года было прынята некалькі знакавых рашэнняў для паляпшэння бізнес-клімату і стымулявання дзелавой актыўнасці.
Як паведаміў па выніках сустрэчы Аляксандр Турчын, ураду даручана ў самыя кароткія тэрміны распрацаваць пытанні стварэння Міністэрства лічбавай эканомікі. Не выключана, што такі дзяржорган з'явіцца ў Беларусі ўжо да канца года.
