Праграмай запланаваныя перамовы Аляксандра Лукашэнкі з прэзідэнтам краіны Мамнунам Хусейнам, прэм'ер-міністрам Навазам Шарыфам, кіраўніцтвам пакістанскага парламента. Па выніках чакаецца падпісанне дакументаў па супрацоўніцтве ў розных сферах. Пакістан - перспектыўны партнёр для Мінска ў Паўднёвай Азіі. Гэта рынак 190 мільёнаў чалавек. Зараз самая важкая частка беларускага экспарту - трактары. Па выніках мінулага года тавараабарот склаў амаль 60 мільёнаў долараў. Стаіць задача давесці гэты паказчык да мільярда.
Аляксандр Лукашэнка прыме ўдзел і ў цырымоніі адкрыцця IV Беларуска-пакістанскага дзелавога і інвестыцыйнага форуму ў Ісламабадзе. У нашай дэлегацыі таксама запланавана серыя перамоў з пакістанскімі партнёрамі.
