Пытанні бяспекі і абарона інтарэсаў дзяржаў. Гэтыя тэмы сталі галоўнымі на сустрэчы прэзідэнта з дырэктарам службы знешняй разведкі Расіі Сяргеем Нарышкіным. Спецслужбы дзвюх краін працуюць у цеснай звязцы, актыўна абменьваюцца інфармацыяй. Датычыцца яна задум злачынных груп, каналаў іх фінансавання, а таксама кантрабанды наркотыкаў. Разам у гэты няпросты час прыходзіцца рэагаваць на многія выклікі і пагрозы. Міжнародная сітуацыя пастаянна ўскладняецца, гэта ўплывае і на Беларусь, і на Расію. Аляксандр Лукашэнка сёння яшчэ раз падкрэсліў важнасць сумеснай работы спецслужбаў брацкіх краін, асабліва з улікам знешніх фактараў.
Пытанні бяспекі і абарона інтарэсаў Саюзнай дзяржавы
Зусім нядаўна знешняя разведка Расіі папярэджвала аб правакацыях, якія рыхтуюцца ў Беларусі, каб раскалыхаць пратэсны рух. Як заявіў Сяргей Нарышкін, у падзеях, што адбываюцца ў нашай краіне, выразна прасочваецца заходні след. Ключавую ролю адыгрываюць ЗША. Інструктары ЦРУ і Пентагона ўдзельнічаюць у падрыхтоўцы пратэстаў. Выкарыстоўваюцца самыя неахайныя метады для разгойдвання сітуацыі.
Сёння на сустрэчы ў Палацы Незалежнасці бакі адзначылі важнасць кансалідацыі намаганняў Беларусі і Расіі, накіраваных на ўмацаванне процідзеяння глабальным выклікам і новым пагрозам бяспецы Саюзнай дзяржавы.
