Такое даручэнне ўраду даў Прэзідэнт Аляксандр Лукашэнка ўчора. Праз магчымыя змены дзейнасці Кіраўнік дзяржавы перасцярог бізнесменаў ад шантажу ўлады. Нагадаем, урад прапаноўвае абавязаць усіх індывідуальных прадпрымальнікаў з ліпеня дакументальна пацвярджаць куплю прадукцыі. Зараз гэтага не патрабуецца. Трэба толькі выплаціць адзіны падатак у падвойным памеры. Сёння Аляксандр Лукашэнка таксама даручыў Мінгандлю і мясцовым уладам да 1 ліпеня стварыць у рэгіёнах краіны оптавыя базы.
Кампрамісныя рашэнні на сустрэчы ў Прэзідэнта ўчора шукалі не толькі члены ўрада. Сваю ацэнку сітуацыі давалі як простыя прадпрымальнікі, так і прадстаўнікі бізнес-саюзаў. Аляксандр Лукашэнка засведчыў: канчатковае рашэнне прымуць, зыходзячы з выгады для спажыўцоў і дзяржавы, і, безумоўна, з улікам інтарэсаў бізнесу.
