Сёння Кіраўнік дзяржавы сустрэўся са старшынёй расійскай дзяржаўнай карпарацыі "Банк развіцця і знешнеэканамічнай дзейнасці" Сяргеем Гарковым. Як падкрэсліў Аляксандр Лукашэнка, працы фінустановы ў Беларусі гарантавана падтрымка.
У нашай краіне працуе беларускае падраздзяленне кампаніі - БелВЭБ. І гэта партнёрства з'яўляецца паспяховым прыкладам кааперацыі не толькі ў банкаўскай сферы, але і супрацоўніцтва паміж краінамі. Знешэканамбанк мае вагу за мяжой, і заўсёды шукае новыя формы ўзаемадзеяння. У планах падтрымка беларускага і расійскага экспарту ў трэція краіны.
Сяргей Гаркоў, старшыня расійскай дзяржкарпарацыі "Банк развіцця і знешнеэканамічнай дзейнасці (Знешэканамбанк)": "У нас ужо фактычна дзевяць гадоў супрацоўніцтва. Больш за мільярд долараў агульных інвестыцый. Ёсць буйныя праекты як атамная станцыя. У нас ёсць цікавыя прапановы па павелічэнні сумеснага экспарту Беларусі і Расіі. Мы дамовіліся з урадам падпісаць аб гэтым сёння пагадненне. Ёсць шмат магчымасцяў для павелічэння супрацоўніцтва".
Банк БелВЭБ крэдытуе шэраг буйных айчынных прадпрыемстваў. Акрамя таго, урадамі Беларусі і Расіі ў лістападзе 2011 года заключана пагадненне аб выдзяленні экспартнага крэдыту для будаўніцтва Беларускай АЭС. Банк таксама ўдзельнічае ў рэалізацыі шэрагу сацыяльных праектаў у нашай краіне.
