Прэзідэнт сустрэўся з кіраўніком Міжнароднай федэрацыі хакея

Папулярызацыя здаровага ладу жыцця і падаўжэнне актыўнага жыцця спартсменаў-прафесіяналаў. У гэтым Прэзідэнт Беларусі бачыць галоўную мэту хакейнага аматарскага турніру і сур'ёзных інвестыцый дзяржавы ў новыя спартыўныя аб'екты.

Уключаючы якасны лёд для так званай Начной лігі. Пра гэта Аляксандр Лукашэнка заявіў на сустрэчы з кіраўніком Міжнароднай федэрацыі хакея Рэнэ Фазелем. Так, апошні час гульня беларускіх прафесіяналаў хутчэй засмучвае, але гэта можна выправіць, адзначыў лідар. Пры гэтым праблема недахопу лёду для аматараў і ветэранаў хакея ў Беларусі вырашаная. 

Адзначым, што Рэнэ Фазель - даўні сябар спартыўнай і асабліва хакейнай Беларусі. Менавіта ён прыклаў максімум высілкаў, каб абараніць Мінск як сталіцу чэмпіянату свету ў 2014. Федэрацыя тады перажыла сур'ёзны палітычны ціск, але не зламалася і выбару не здрадзіла. Гэтая ж цвёрдасць і прынцыповасць дапамаглі федэрацыі ў маі 2017 зрабіць яшчэ адзін слушны выбар на карысць сумленнага і чыстага спорту. Нагадаем, тады ў Кёльне Беларусь і Латвія выйгралі права на правядзенне сумеснага чэмпіянату свету. Мінск і Рыга прымуць галоўнае хакейнае свята на сваіх лядовых арэнах ужо ў наступным годзе. Прэзідэнт Беларусі сёння паабяцаў годна правесці чэмпіянат. Ад сябе Рэнэ Фазель дадаў, што гатовасць Беларусі ўжо амаль стапрацэнтная.