Як спрацавала эканоміка летась? І якія задачы стаяць па забеспячэнні ўстойлівага эканамічнага росту? Сёння ў Савеце міністраў Прэзідэнт Беларусі заслухае справаздачу ўрада, Нацбанка і рэгіёнаў.
У Доме ўрада ўжо працуе наша здымачная група. Палітычны аглядальнік Наталля Брэвус - на сувязі са студыяй (прамое ўключэнне).
Да сённяшняй сустрэчы прыкавана вялікая ўвага. На працягу года на вышэйшым узроўні перыядычна абмяркоўваюцца эканамічныя пытанні. Але вось у такім глабальным фармаце як сёння не збіраліся ўжо пяць гадоў. Статыстыка па выніках 2017 года вядомая - гэта не сакрэт, як спрацавала эканоміка - паказала невялікі, але рост, крыху больш за 2 %. Інфляцыя - важны паказчык - не перавысіла 5 %. Але відавочна, што не лічбы як такія цікавяць, а хутчэй тое, што за імі стаіць. І ці заўсёды плюсавыя паказчыкі на паперы такія радасныя? Неаднаразова Прэзідэнт патрабаваў за лічбамі бачыць людзей. Бо ў канчатковым выніку адзін інтарэс - дабрабыт і дастатак грамадзян у краіне. Гэта значыць, важна рэальнае становішча спраў у цэнтры і ў рэгіёнах. Вядома, беларуская эканоміка адкрытая і экспартаарыентаваная. Таму ўплываюць і глабальныя эканамічныя працэсы - ад цэн на нафту да рэцэсіі. Але трэба сказаць, што рост сусветнай эканомікі паскараецца, і тут важна не адстаць. Чакаем, што сярод тэм, якія абмяркоўваюцца, будуць пытанні, як забяспечыць устойлівы эканамічны рост на перспектыву. І які план дзеянняў урада. Характэрна, што размова праходзіць прыкладна "на экватары" цяперашняга пяцігадовага плана развіцця Беларусі. Гэта магчымасць дадатковай каардынацыі. Усё цячэ, усё змяняецца - так што лагічныя карэкціроўкі эканамічнай тактыкі і стратэгіі.
