Прэзідэнт Беларусі сустрэўся з наследным прынцам Абу-Дабі

6 Лістапада 2019
Прэзідэнт Беларусі сёння ў Аб'яднаных Арабскіх Эміратах сустрэўся з наследным прынцам Абу-Дабі, намеснікам Вярхоўнага галоўнакамандуючага Узброенымі Сіламі ААЭ шэйхам Мухамедам бен Заідам аль-Нахаянам.

Падчас сустрэчы абмеркавалі ход рэалізацыі дамоўленасцяў, дасягнутых па выніках нядаўняга візіту наследнага прынца ў Беларусь, вызначаныя і далейшыя крокі для іх выканання. Аляксандр Лукашэнка адзначыў аператыўнае накіраванне дэлегацыі эмірацкіх дзелавых колаў у Беларусь, што гаворыць аб рэальнай зацікаўленасці ААЭ ў развіцці гандлёва-эканамічнага і інвестыцыйнага супрацоўніцтва. Прэзідэнт упэўніў у максімальным садзейнічанні эфектыўнаму рашэнню задач. Бакі абмеркавалі ўзаемадзеянне ў сельскай гаспадарцы, прамысловасці, банкаўскай справе, лагістыцы, гуманітарнай сферы.

Асобная ўвага нададзена супрацоўніцтву ў галіне спорту. Лідары дзвюх краін падрабязна абмеркавалі сітуацыю на Блізкім Усходзе і наогул у свеце. Адным са складнікаў двухбаковых адносін з'яўляецца ваенна-тэхнічнае супрацоўніцтва. У гэтым плане заяўлена пра гатовасць да пашырэння дыялога ва ўсіх кірунках, якія цікавяць эмірацкі бок, у тым ліку ў галіне навуковых даследаванняў, навучання, правядзення сумесных трэніровак і абмену вопытам.

Аляксандр Лукашэнка падзякаваў шэйху Мухамеду бен Заіду аль-Нахаяну за гасціннасць і ўвагу, якую аказалі беларускай дэлегацыі ў Эміратах. Ён падарыў наследнаму прынцу пано - падвойную галаграму "Сокалы". Як вядома, гэтая грацыёзная і рэдкая птушка з'яўляецца ўвасабленнем сілы і мужнасці, нацыянальным сімвалам Аб'яднаных Арабскіх Эміратаў.