Так, Аляксандр Лукашэнка прызначыў Сяргея Дарошку начальнікам галоўнага ўпраўлення ўнутраных спраў Мінгарвыканкама. Да гэтага ён узначальваў дэпартамент выканання пакаранняў МУС. Гэтую кандыдатуру падтрымаў і ранейшы кіраўнік сталічнай міліцыі Аляксандр Барсукоў, які цяпер займае пасаду намесніка міністра ўнутраных спраў. У Мінску заўсёды на належным узроўні забяспечваецца грамадскі парадак, і жыхары горада пачуваюцца ў бяспецы. Сёння прагучала, што так павінна быць і надалей.
Кадравыя змены закранулі і Узброеныя сілы. Начальнікам 72-га навучальнага цэнтра падрыхтоўкі прапаршчыкаў і малодшых спецыялістаў у Пячах стаў Уладзіслаў Будзік. Прызначаючы яго, Прэзідэнт пракаменціраваў рэзанансны выпадак, які адбыўся ў Пячах. Нагадаем, расследаванне гэтай справы з самага пачатку на кантролі Кіраўніка дзяржавы. Аляксандр Лукашэнка папярэдзіў, што падобныя здарэнні ў арміі больш не павінны паўтарацца.
Усе падрабязнасці кадравага панядзелка ў Прэзідэнта - у нашых наступных выпусках.
