Сёння Прэзідэнт Беларусі правёў шэраг кадравых прызначэнняў.
Міністрам лясной гаспадаркі стаў Віталь Дрожжа. Да гэтага ён займаў пасаду дырэктара нацыянальнага парку "Браслаўскія азёры". Аляксандр Лукашэнка скіраваў беражліва ставіцца да гэтага прыроднага багацця краіны, займацца лесааднаўленнем, высаджваючы больш саджанцаў на пустуючых тэрыторыях. Адна з ключавых задач - навесці парадак у сферы лясной гаспадаркі і выкараніць ашуканскія схемы продажу драўніны.
Намеснікам кіраўніка Адміністрацыі Прэзідэнта прызначаны Уладзімір Жаўняк, які да гэтага больш за 15 гадоў працаваў у Нацыянальным цэнтры заканадаўства і прававых даследаванняў. Уладзіміру Жаўняку Аляксандр Лукашэнка паставіў задачу асучасніць сістэму ідэалагічнай працы ў краіне. Новы кіраўнік і ў Беларускага тэлеграфнага агенцтва. Пасаду заняла Ірына Акуловіч, экс-кіраўнік тэлерадыёкампаніі "Магілёў", якая, дарэчы, немалую частку сваёй кар'еры звязала з працай і ў Агенцтве тэленавін. Звяртаючыся да новага кіраўніка БелТА, Кіраўнік дзяржавы заявіў, што разлічвае на новую ступень у развіцці тэлеграфнага агенцтва.
