Аляксандр Лукашэнка зоймецца добраўпарадкаваннем плошчы Дзяржаўнага флага Беларусі. Яна размешчаная на праспекце Пераможцаў на тэрыторыі будынка БелЭкспа, які зараз рэканструююць. У праекце плошча ўяўляе сабой круг радыусам 50 метраў і стэлай - флагштокам дзяржаўнага флага. Кіраўнік дзяржавы разам з іншымі ўдзельнікамі суботніка будзе выконваць работы па ўладкаванні бетонавага падмурка плошчы.
