Таксама Беларусь бачыць вялікія перспектывы па развіцці супрацоўніцтва з Камбоджай. Пра гэта заявіў Прэзідэнт Беларусі Аляксандр Лукашэнка на сустрэчы з прэм'ер-міністрам Каралеўства Камбоджа Хун Сенам. Прэзідэнт адзначыў, што ў нашых краін ёсць шмат пунктаў судакранання і праектаў, якія можна рэалізаваць. У прыватнасці, сумесныя прадпрыемствы па вытворчасці аўтамабільнай тэхнікі, ваенна-тэхнічнае супрацоўніцтва, праца ў горназдабыўной галіне.
У сваю чаргу прэм'ер-міністр Камбоджы выказаў спадзяванне, што яго візіт зробіць свой уклад у далейшае развіццё двухбаковых адносін. Падчас перагавораў у Доме ўрада падпісана 9 пагадненняў і 1 сумеснае камюніке. Прэм'ер-міністр Камбоджы перадаў запрашэнне Прэзідэнту Беларусі ад караля Камбоджы наведаць краіну з афіцыйным візітам.
