У другі дзень рабочага візіту ў Расійскую Федэрацыю Аляксандр Лукашэнка прыбыў у Крэмль і да афіцыйнага мерапрыемства, прысвечанага Дню касманаўтыкі, адказаў на пытанні журналістаў. У прыватнасці, па Украіне Прэзідэнт Беларусі падкрэсліў, што сёння самы час сесці за стол перамоў і дамовіцца.
Беларускі лідар таксама адзначыў, што без удзелу Расіі ў перамовах па Украіне ніякага мірнага працэсу быць не можа. Паказаў таксама на магчымыя праблемы ў сувязі з хуткім завяршэннем паўнамоцтваў Уладзіміра Зяленскага. Тэрмін яго прэзідэнцтва заканчваецца ў маі, і гэта можа выклікаць праблему легітымнасці тых або іншых патэнцыяльных пагадненняў, заключаных раней.
