Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Францыі Эмануэля Макрона з нацыянальным святам Французскай Рэспублікі.
Кіраўнік дзяржавы з задавальненнем адзначыў дадатныя тэндэнцыі і пэўныя вынікі беларуска-французскага ўзаемадзеяння ў палітычнай, гандлёвай і гуманітарнай сферах. Ён таксама пацвердзіў гатовасць да далейшых сумесных высілкаў для рэалізацыі наяўнага патэнцыялу адносін паміж нашымі краінамі.
"Упэўнены, што сумесная праца Беларусі і Францыі па кансалідацыі міжнароднай супольнасці ў мэтах падтрымання належнай архітэктуры еўрапейскай бяспекі спрыяе ўмацаванню стабільнасці ў рэгіёне і адпавядае інтарэсам нашых дзяржаў", - падкрэсліў Прэзідэнт.
Аляксандр Лукашэнка пажадаў Эмануэлю Макрону моцнага здароўя і поспехаў на палітычнай ніве, а французскаму народу - міру і дабрабыту.