Аляксандр Лукашэнка накіраваўся з рабочым візітам у Расію. Кіраўнік беларускай дзяржавы прыме ўдзел у мерапрыемствах, прысвечаных 80-годдзю вызвалення Ленінграда ад фашысцкай блакады. Таксама ў Піцеры пройдзе пасяджэнне Вышэйшага Дзяржаўнага Савета Саюзнай дзяржавы. Адно з галоўных пытанняў на парадку дня - зацвярджэнне праекта дакумента аб асноўных кірунках рэалізацыі палажэнняў Дагавора аб стварэнні Саюзнай дзяржавы на 2024-2026 гады. А таксама абмеркаванне перспектыў далейшага развіцця беларуска-расійскага супрацоўніцтва ў розных сферах. Бакі падвядуць вынікі рэалізацыі мерапрыемстваў асноўных кірункаў на 2021-2023 гады і 28 саюзных праграм. На парадку дня пасяджэння і пытанні, якія датычацца праграмы ўзгодненых дзеянняў у галіне знешняй палітыкі, стратэгіі навукова-тэхналагічнага развіцця, рэалізацыі адзінай прамысловай палітыкі, мадэрнізацыі і развіцця чыгуначнай інфраструктуры, а таксама сродкаў масавай інфармацыі Саюзнай дзяржавы. Акрамя таго, прэзідэнты Беларусі і Расіі правядуць двухбаковыя перамовы, падчас якіх разгледзяць найбольш актуальныя пытанні беларуска-расійскага ўзаемадзеяння, абмяркуюць міжнародную тэматыку.
