Лукашэнка накіраваў спачуванне ў сувязі са смерцю народнай артысткі Беларусі Ніны Давыдзенкі

Прэзідэнт Беларусі Аляксандр Лукашэнка накіраваў спачуванне родным і блізкім народнай артысткі Беларусі Ніны Давыдзенкі, паведамляе БЕЛТА.

"Свой лёс яна звязала з нацыянальным харэаграфічным мастацтвам. На праслаўленай сцэне Вялікага тэатра Беларусі артысткай створаны незабыўныя вобразы, якія пакарылі публіку глыбінёй і сілай характару. Яе педагагічная дзейнасць дапамагла некалькім пакаленням артыстаў рэалізаваць свой талент на карысць беларускай культуры. Светлая памяць аб ёй назаўжды застанецца ў нашых сэрцах", - гаворыцца ў спачуванні.

Развітанне з народнай артысткай Беларусі пройдзе 18 сакавіка ў рытуальнай зале крэматорыя на Паўночных могілках (пасёлак Навінкі).