Узровень супрацоўніцтва Беларусі і Кітая адзін з самых высокіх у свеце. Аб новых праектах і перспектывах гаварылі сёння ў Палацы Незалежнасці.
Кітайская карпарацыя "Мідэа Груп" мае намер пашырыць сваю прысутнасць у нашай краіне. Вядомы вытворца мікрахвалевых печаў і воданагравальнікаў цікавіцца рынкамі халадзільнікаў і электрапечаў. Старшыня праўлення кампаніі і Прэзідэнт Беларусі абмеркавалі варыянты развіцця супрацоўніцтва. Кітайскіх інвестараў у маштабах еўрапейскага рынку цікавіць менавіта беларуская пляцоўка. У гэтай справе ў першую чаргу ўлічваецца добры вопыт сумеснай працы. У сваю чаргу Аляксандр Лукашэнка запэўніў, што такім партнёрам у нашай краіне падтрымка будзе забяспечана. Карпарацыя "Мідэа Груп" прыйшла ў Беларусь з прамымі інвестыцыямі дзесяць гадоў таму.
Фан Хунба, кіраўнік карпарацыі "Мідэа Груп":
"Мы вельмі задаволеныя тым, як развіваецца наша супрацоўніцтва з Беларуссю на працягу 10 гадоў, у прыватнасці, з кампаніяй "Гарызонт". Падтрымка праектаў на дзяржаўным узроўні дала добрыя вынікі і залажыла асновы для пашырэння нашага супрацоўніцтва. Гэта развіццё важна і з пункта погляду працы ў рамках ініцыятывы "Адзін пояс - адзін шлях". Мы таксама бачым Беларусь у якасці вытворчай базы, якая надалей будзе асноўнай на прасторы СНД".
Сумесная беларуска-кітайскага вытворчасць арыентавана і на ўнутраны рынак, і на экспарт. У прыватнасці, за мяжу пастаўляецца больш за 80 % ЗВЧ-печаў пад маркай "Мідэа-Гарызонт". Сёлета на прадпрыемстве плануюць выпусціць каля мільёна адзінак прадукцыі на суму 40 мільёнаў долараў.
