Віншую вас з Днём Кастрычніцкай рэвалюцыі.
У XX стагоддзі гэтая падзея займае асаблівае месца. Яна значна паўплывала на ход сусветнай гісторыі і вызначыла лёсы шматлікіх народаў.
Даступныя сацыяльныя выгоды, ідэалы раўнапраўя, міру, міжнацыянальнай згоды, якія склаліся ў савецкую эпоху, актуальныя і дагэтуль. СССР ажыццявіў магутны рывок у развіцці прамысловасці, сельскай гаспадаркі, энергетыкі, касмічных тэхналогій, заклаў аснову для цэлых галін вытворчасці, новых кірункаў даследаванняў. Поспехі Савецкага Саюза ў сферы культуры і спорту сталі набыткам усяго чалавецтва і прынеслі краіне сусветную славу.
Сёння мы ганарымся працоўнымі подзвігамі, воінскай гераічнасцю, навуковымі адкрыццямі савецкага часу. Імкнемся захаваць і прымножыць усё лепшае, што дасталася нам ад папярэднікаў, якія вызначылі сваімі прыярытэтамі такія каштоўнасці, як справядлівасць, праца, роўнасць.
З намі неацэнны вопыт папярэдніх пакаленняў, а значыць, нам многае пад сілу.
Са святам!
Аляксандр Лукашэнка
