Беларусь робіць усё, каб канфліктуючыя бакі - Расія і Украіна - дамовіліся

Ужо шостыя суткі працягваюцца сутыкненні падчас спецаперацыі ва Украіне. Для Беларусі гэта самы сур'ёзны выклік з пункта гледжання бяспекі. Спакой у рэгіёне - найвышэйшая каштоўнасць для Беларусі,  наша краіна шмат разоў гэта даказвала на справе, выступаючы гарантам стабільнасці і даючы пляцоўку для мірных перамоў. Так адбываецца і зараз. Напярэдадні на тэрыторыі Беларусі прайшоў першы раўнд дыялогу на шляху да міру.

Сітуацыя развіваецца кожную хвіліну, тут важна дакладна разумець, што адбываецца. Асабліва калі на поўную ўключыліся ў працу фабрыкі інфармацыйнага ўздзеяння заходніх спецслужбаў. У інфаполі Беларусь упарта ўцягваюць у канфлікт, укідваючы самыя розныя фэйкі. Ацаніць рэальную карціну можна толькі на аснове праверанай і праўдзівай інфармацыі. Пра гэта сёння гаварыў кіраўнік дзяржавы на пашыраным пасяджэнні Савета бяспекі краіны. Так, Беларусь робіць усё, што ў яе сілах, каб дапамагчы канфліктуючым бакам знайсці дыялог  і спыніць кровапраліцце. Наталля Брэвус працягне (відэа).