Каторы дзень мы пачынаем выпуск з сур'ёзнага эканамічнага блока. У гэтыя дні вялікі прарыў упісаны ў гісторыю адносін Беларусі і Аб'яднаных Арабскіх Эміратаў.
Пачнём з найбольш значных дамоўленасцяў - у кірунку, які Беларусь фарсіруе з небывалай хуткасцю. Візіт Прэзідэнта Беларусі ў Аб'яднаныя Арабскія Эміраты нашы партнёры называюць гістарычным. Адзначаючы адкрытасць, шчырасць і рашучасць беларускага боку ўвасобіць дамоўленасці ў найкарацейшыя тэрміны. Напярэдадні Аляксандр Лукашэнка правёў адразу некалькі сустрэч. Іх вынікам стаў цэлы шэраг пагадненняў па самых розных кірунках. Краіны кардынальным чынам актывізуюць супрацоўніцтва ў сельскай гаспадарцы, прамысловасці, адукацыі, авіяцыі, ваенна-тэхнічным сектары. Эмірацкія інвестары заявілі аб жаданні інвесціраваць у інфраструктурныя аб'екты ў Беларусі, стварэнне сумесных прадпрыемстваў. Усе гэтыя дамоўленасці самі гаспадары перамоў назвалі прарыўнымі - выразна вызначаны і новы фінансавы арыенцір. Тавараабарот паміж краінамі ў найбліжэйшы час павінен вырасці ў 10 разоў - да 500 мільёнаў долараў за год. Сёння бакі займаліся прапрацоўкай дасягнутых пагадненняў - праходзілі кансультацыі і падрыхтоўка да чарговага раўнда перамоваў.
Позна ўвечар, пасля насычанага працоўнага дня, знайшоўся час і для спорту. Адбыўся хакейны паядынак паміж зборнымі Прэзідэнта Беларусі і ветэранаў Эміратаў. З лікам 14:10 перамагла каманда Кіраўніка дзяржавы. Аляксандр Лукашэнка закінуў у матчы 7 шайб.
