Гэта заявіў Прэзідэнт Аляксандр Лукашэнка на сустрэчы з кіраўніком урада гэтай краіны. Паміж дзяржавамі шмат нявыкарыстаных магчымасцяў. Напярэдадні ў латвійскай дэлегацыі на чале з Марысам Кучынскісам прайшлі насычаныя перамовы ва ўрадзе. Падпісаны некалькі пагадненняў - па эканамічным супрацоўніцтве, навуцы і тэхналогіях, а таксама спорце і турызме.
Беларусь і Латвія гатовыя пашыраць супрацоўніцтва ў стварэнні сумесных вытворчасцяў і ў галіне высокіх тэхналогій. Узаемная цікавасць ёсць у транспартна-лагістычнай сферы і ў інвестыцыях.
Кіраўнік урада Латвіі разлічвае на актывізацыю супрацоўніцтва з нашай краінай. У дэлегацыі насычаная праграма візіту. Кіраўнік дзяржавы падзякаваў латвійскаму боку за тое, што ён не крытыкуе Беларусь за будаўніцтва ўласнай атамнай станцыі. На думку Прэзідэнта, АЭС прынясе карысць не толькі цяперашняму, але і будучым пакаленням.
Па выніках мінулага года лічба агульнага гандлю паміж краінамі наблізілася да паўмільярда долараў. Латвія - важны гандлёвы партнёр і інвестар для Беларусі. У нас працуе больш за 600 прадпрыемстваў з латвійскім капіталам. Бізнесменам з гэтай краіны цікавыя праекты ў гандлі, дрэваапрацоўцы, фармацэўтыцы, вытворчасці харчовай прадукцыі.
