Cёння ў Палацы Незалежнасці ішла размова пра беларуска-турэцкія адносіны. Аляксандр Лукашэнка бачыць добрыя перспектывы для развіцця гандлю з Турцыяй. Пра гэта Прэзідэнт заявіў на сустрэчы са старшынёй Вялікага нацыянальнага сходу гэтай краіны.
Дэлегацыя парламентарыяў на чале са спікерам знаходзіцца з двухдзённым візітам у Беларусі. Біналі Йылдырым раней займаў пасаду прэм'ер-міністра, таму ў цэнтры ўвагі былі эканамічныя пытанні. Узаемавыгадны гандаль стане добрай дапамогай для краін. Цікавасць у самых розных сферах - ад лагістыкі да турызму. Тавараабарот паміж краінамі паказвае рост: за няпоўны 2018 перавысіў 700 мільёнаў долараў.
Біналі Йылдырым, старшыня Вялікага нацыянальнага сходу Турцыі: "У першую чаргу падзяка за гасціннасць, аказаную мне і маёй дэлегацыі. Хачу адзначыць, што наш прэзідэнт перадаў свае добрыя пажаданні Вам, у самы кароткі час, ужо ў 2019 годзе, чакае Вас з візітам у нашу краіну".
Беларусь і Турцыя падтрымліваюць дыялог на вышэйшым узроўні. Нагадаем, два гады таму Прэзідэнт Рэджэп Таіп Эрдаган наведваў нашу краіну. У планах турэцкіх парламентарыяў - перамовы з калегамі ў Нацыянальным сходзе, а таксама сустрэча ў Савеце Міністраў.
