Аб гэтым Кіраўнік дзяржавы заявіў на нарадзе па актуальных пытаннях развіцця эканомікі.
У ліку запрошаных на нараду была група экспертаў, якія непасрэдна ўдзельнічалі ў правядзенні сацыяльна-эканамічнай палітыкі ў Беларусі. Абмеркаванні сканцэнтраваліся вакол азначэння новых пунктаў росту, пэўных дзеянняў, якія могуць надаць дадатковы імпульс развіццю беларускай эканомікі. Ключавое патрабаванне Кіраўніка дзяржавы - крокі, якія будуць рабіцца, не павінны ствараць перадумовы для дэстабілізацыі сітуацыі. Прыярытэт - збалансаванаму развіццю без валютных узрушэнняў, аплатных крызісаў і іншых негатыўных з'яў. Кіраўнік дзяржавы папярэдзіў аб недапушчальнасці адыходу ад генеральнай лініі развіцця дзяржавы і эканамічнай палітыкі.
Экспертная супольнасць абмеркавала планы па забеспячэнні эканамічнага росту як на гэты год, так і на найбліжэйшую пяцігодку. Асноўныя моманты адлюстраваныя ў Праграме сацыяльна-эканамічнага развіцця. Яна была прынятая на пятым Усебеларускім народным сходзе. Аляксандр Лукашэнка дадаў, што цяперашняя нарада ў вузкім гуртку не падмяняе размовы на пашыраным пасяджэнні ўрада, якое павінна адбыцца ў найбліжэйшы час. На ім будуць падведзены вынікі мінулага года і вызначаны прыярытэты на 2017-ы.
