Легендарная арэна - Палац спорту "Уручча" - адкрылася сёння пасля 5-гадовай рэканструкцыі.
Удзел у цырымоніі прыняў Прэзідэнт Аляксандр Лукашэнка. Абноўлены палац - гэта тры асноўныя пляцоўкі. Галоўная арэна на тры тысячы месцаў пасля трансфармацыі зможа прыняць яшчэ дзве тысячы гасцей. Тут можна будзе праводзіць матчы па гандболе, баскетболе, валейболе, міні-футболе і футзале. Прычым адначасова. Гульцам нішто не будзе перашкаджаць: пляцоўкі падзеляць гукаізалюючымі шторамі. На першым паверсе размясцілася трэнажорная зала, якая прэтэндуе на званне лепшай у рэспубліцы. Знаходзіцца тут і аднаўленчы цэнтр: саўны, басейн, масажныя сталы, залы для боўлінга і аэробікі. Урачыстае адкрыццё комплексу супала з пачаткам міжнароднага гандбольнага турніру сярод юнакоў.
Для гандбалістаў мінскага СКА "Уручча" - пляцоўка асаблівая. Тут выхавалі восем алімпійскіх чэмпіёнаў. Акрамя таго, на паркеце гэтага палаца каманда Спартака Мірановіча шэсць разоў станавілася чэмпіёнам СССР, тройчы выйгравала Кубак еўрапейскіх чэмпіёнаў. Абноўленая арэна ўжо паспела прыняць не адзін матч.
