Заўсёды працаваць на канкрэтны вынік і думаць пра дзень заўтрашні. Напярэдадні вечарам Аляксандр Лукашэнка даў наказ выпускнікам ВНУ на традыцыйным Рэспубліканскім балі. Сярод запрошаных 226 ужо маладых спецыялістаў. Кіраўнік дзяржавы называе іх залатым фондам моладзі. Гэта выдатнікі вучобы, пераможцы міжнародных алімпіяд і конкурсаў, лаўрэаты спецыяльных фондаў. Упершыню ў зале і самыя паспяховыя з замежных выпускнікоў - новая традыцыя. Баль праходзіць падчас II Еўрапейскіх гульняў, а таму Аляксандр Лукашэнка параіў выпускнікам браць прыклад з нашых лепшых спартсменаў, а таксама не забываць тых, хто ўсе гэтыя гады быў побач: бацькоў і настаўнікаў.
Лепшым з лепшых (а гэта 7 выкладчыкаў і 16 выпускнікоў з розных куткоў краіны) асабістыя падзякі ад Прэзідэнта. Хаця Кіраўнік дзяржавы перакананы: кожны з прысутных у гэтай зале заслугоўвае ўзнагароды. Выпускнікі паабяцалі: яны прыкладуць усе намаганні, каб апраўдаць надзеі і ўвасобіць шчаслівую будучыню нашай краіны. Менавіта такія задачы ў гэтых маладых людзей.
