Галоўнае, што мы можам зрабіць, - захаваць праўду і не дапусціць паўтору страшнага мінулага. Аб гэтым гаварыў Прэзідэнт Беларусі на адкрыцці другой чаргі найбуйнейшага мемарыяла ў памяць аб ахвярах нацызму часоў Вялікай Айчыннай вайны. Цырымонія ў гэтыя хвіліны праходзіць у Трасцянцы. Да месца правядзення мітынгу-рэквіема лідары краін прайшлі праз сімвалічныя вагоны. У мерапрыемстве прымаюць удзел прэзідэнты Германіі і Аўстрыі, а таксама шматлікія замежныя госці: прадстаўнікі дзяржаўных і грамадскіх арганізацый з Аўстрыі, Германіі, Ізраіля, Польшчы і Чэхіі. Звяртаючыся да ўдзельнікаў мітынгу, Аляксандр Лукашэнка прапанаваў агульнымі намаганнямі стварыць глабальную электронную кнігу памяці Трасцянца.
Яшчэ 3 гады таму на месцы самага буйнога лагера смерці Усходняй Еўропы была ўзведзеныя "Брама памяці". Гэты велічны манумент - сімвалічны ўваход на тэрыторыю 4-га па велічыні лагера смерці ў Еўропе. Сёння ўжо можна ацаніць поўную карціну мемарыяла - гатовая другая чарга комплексу. Урочышча Благаўшчына - расстрэльнае месца таемнай паліцыі, аб якім мала хто ведаў. Зараз тут знаходзяцца мемарыяльныя могілкі.
