Нацыянальная эканоміка і перспектывы беларуска-расійскіх адносін. Кіраўнік дзяржавы правёў нараду аб сацыяльна-эканамічным развіцці краіны ў 2019 годзе і падыходах да далейшага развіцця інтэграцыйных кірункаў. Святы закончыліся, зараз самы час інтэнсіўна ўключацца ў працу. Аляксандр Лукашэнка адзначыў, што гэты перадвыбарны год будзе нялёгкім. І спектр тэм для размовы сёння самы шырокі - ад дакладнага выканання сацыяльна арыентаванага бюджэту да актыўнага ўдзелу ў рамках аб'яднанняў постсавецкай прасторы.
У экспертным пуле нарады - ключавыя фігуры беларуска-расійскага перагаворнага працэсу - ад кіраўніка ўрада, першых асоб міністэрстваў і ведамстваў да пасла нашай краіны ў Федэрацыі. Усе яны актыўныя ўдзельнікі марафону сустрэч па лініі афіцыйных Мінска і Масквы ў другой палове 2018.
Нагадаем, папярэдняя сустрэча Аляксандра Лукашэнкі і Уладзіміра Пуціна адбылася напярэдадні Новага года - 29 снежня, дзе зноў прагучала і дакладная пазіцыя беларускага боку: трэба стварыць роўныя ўмовы для суб'ектаў гаспадарання.
Тады ж урадам дзвюх краін было даручана падрыхтаваць рашэнні па самых праблемных пытаннях. Спецыяльная рабочая група ўжо фарміруе парадак дня і дае экспертную ацэнку.
У цэлым практычна ўсе праблемы двухбаковага парадку дня закрытыя, што не адмяняе неабходнасці працы па самых відавочных пытаннях. Усе яны на паверхні і акрэслены ў саюзнай дамове. Галоўны крытэрый вырашэння пытанняў - у сацыяльнай справядлівасці. З аднаго боку, дзяржава не павінна несці страты ад дзеяння падатковага манеўру. Але ў той жа час трэба знайсці надзейныя крыніцы кампенсацыі, якія не павінны адбіцца на жыхарах краіны.
Таксама сёння Аляксандр Лукашэнка назваў размовы аб аб'яднанні Беларусі і Расіі недарэчнымі і прыцягнутымі за вушы. Гаворкі аб такім развіцці падзей быць не можа, запэўніў Кіраўнік дзяржавы. Такой пазіцыі прытрымліваюцца абодва лідары Беларусі і Расіі.
