Сітуацыя ў Афганістане - галоўная тэма сённяшніх тэлефонных размоў Аляксандра Лукашэнкі з замежнымі лідарамі.
Перш за ўсё гэта пытанне падрабязна абмеркавалі з прэзідэнтам Таджыкістана Эмамалі Рахмонам. Гарачае афганскае пытанне і мінімізацыя яго наступстваў, якія ўжо выпрабоўваюць суседзі і іншыя дзяржавы, стане ключавым на саміце АДКБ у Душанбэ. Плануецца, што ён пройдзе ў сярэдзіне верасня.
Галоўная тэма - сітуацыя ў Афганістане
Зверылі пазіцыі па актуальным міжнародным парадку дня Мінск і Масква. Аляксандр Лукашэнка правёў тэлефонную размову з прэзідэнтам Расіі Уладзімірам Пуціным. Гэта таксама кансультацыі па пытаннях, якія вынесены на маючае адбыцца пасяджэнне лідараў ваенна-палітычнага блока ў сталіцы Таджыкістана. Плюс выпрацоўка агульнай пазіцыі па Афганістане.
Сёння ж запланавана тэлефонная размова Прэзідэнта Беларусі з калегам з Узбекістана.
