Аб гэтым напярэдадні заявіў Прэзідэнт Аляксандр Лукашэнка, адказваючы на пытанні прадстаўнікоў недзяржаўных СМІ. У Палац Незалежнасці былі запрошаныя прадстаўнікі Еўрарадыё, tut.by і Радыё Свабода. Украінскі крызіс, адносіны з Расіяй, мадэрнізацыя беларускай эканомікі - Кіраўнік дзяржавы прама і адкрыта адказаў на ўсе зададзеныя пытанні.
Закранаючы тэму прэзідэнцкай кампаніі, Аляксандр Лукашэнка падкрэсліў: ён заўсёды патрабуе не ствараць перашкод для дзеянняў ініцыятыўных груп іншых патэнцыйных кандыдатаў у Прэзідэнты.
Як адзначыў Кіраўнік дзяржавы, Беларусь мае намер разлічыцца па даўгах без новых запазычанняў на працягу 5 гадоў. На думку Прэзідэнта, зарплаты ў краіне ў доларавым эквіваленце вернуцца на дакрызісны ўзровень за год-два.
Акрамя гэтага, Кіраўнік дзяржавы пацвердзіў, што ў верасні збіраецца наведаць саміт ААН у Нью-Ёрку - паступіла прапанова выступіць двойчы: на агульнай дыскусіі і на тэматычнай.
