Міралюбнасць з'яўляецца асноўнай характарыстыкай знешняй палітыкі Беларусі. Пра гэта Прэзідэнт Аляксандр Лукашэнка заявіў, калі прымаў даверчыя граматы паслоў замежных краін.
Беларускі лідар падкрэсліў, што Мінск выступае за шырокі дыялог ва ўсіх міжнародных пытаннях. 10 новых дыпламатаў акрэдытаваныя ў нашай краіне. Сярод іх - паслы Польшчы, Італіі, Пакістана, Узбекістана, Эквадора. А дыпламаты Кіпра, М'янмы, Непала, Конга і Замбіі будуць працаваць у нас па сумяшчальніцтве. З гэтай урачыстай цырымоніі афіцыйна пачынаецца іх місія.
Пасля цырымоніі за сімвалічным келіхам шампанскага Прэзідэнт пагутарыў з членамі дыпкорпусу. Кожны з іх закліканы працаваць для развіцця супрацоўніцтва з Беларуссю. Мы вітаем рашэнне нашага шматгадовага партнёра Узбекістана адкрыць у Мінску паўнавартаснае дыппрадстаўніцтва. Прыярытэтная задача - стварэнне добрасуседскіх адносін з Польшчай. Гады паспяховага супрацоўніцтва ўжо злучаюць Мінск і Рым. Ёсць цікавасць развіваць дыялог з Кіпрам, Лацінскай Амерыкай і Азіяй. Створаная добрая аснова для развіцця кантактаў з Пакістанам. Акрэдытацыя паслоў афрыканскіх краін дазволіць знайсці новыя пункты судакранання.
