Беларусь адкрытая для супрацоўніцтва з Іранам. Пра гэта сёння заявіў Кіраўнік дзяржавы на сустрэчы з міністрам замежных спраў Ірана Махамадам Джавадам Зарыфам. Аляксандр Лукашэнка адзначыў, што палітычныя і дыпламатычныя адносіны дзвюх краін заўсёды былі на высокім узроўні. Зараз трэба зрабіць стаўку на эканоміку. У хуткім часе Прэзідэнт Беларусі збіраецца з афіцыйным візітам у Іран.
Махамад Джавад Зарыф, міністр замежных спраў Ірана: "Іран заўсёды высока цаніў дыпламатычнае супрацоўніцтва з Беларуссю. І Вы абсалютна маеце рацыю, што зараз трэба развіваць нашы эканамічныя адносіны. Я перадаю Вам прывітанне ад нашага Прэзідэнта Хасана Раўхамі. Ён чакае Вашага візіту ў Іран. І мы спадзяемся, што сустрэча двух прэзідэнтаў надасць новы імпульс гандлёва-эканамічнаму супрацоўніцтву Ірана і Беларусі".
Сёння ў Беларусі працуе пабудаваны з дапамогай іранскіх інвестараў вялікі лагістычны цэнтр. Яшчэ адзін перспектыўны кірунак узаемнага супрацоўніцтва - будаўніцтва буйнога гандлёва-забаўнага цэнтра і гасцініцы ў Мінску.
