45 Генеральная асамблея Еўрапейскіх алімпійскіх камітэтаў завяршыла сваю працу ў штаб-кватэры НАК Беларусі. Галоўнае дасягненне нашай краіны - права правядзення другіх Еўрапейскіх гульняў - 2019, і гэта самая галоўная спартыўная навіна тыдня. Сёння дэлегаты асамблеі пакідалі Мінск з думкамі, што вернуцца сюды зусім хутка, бо ў найбліжэйшыя тры гады да нашай краіны будзе прыкавана павышаная ўвага.
Якую карысць нам прынясуць Еўрапейскія гульні і як скарыстацца іх турыстычным патэнцыялам - рэпартаж з заключнага дня Генасамблеі Андрэя Казлова. Нават праз суткі ў гэта паверыць няпроста. Учора было аб'яўлена аб тым, што краінай - гаспадыняй другіх Еўрапейскіх гульняў стане Беларусь, а гэта значыць, што праз менш чым тры гады да нас прыедуць зоркі спорту першай велічыні, а тэлетрансляцыі, калі меркаваць па вопыце Баку, які прымаў першыя падобныя гульні, паглядзяць гледачы па ўсім свеце. Ужо сёння арганізацыяй беларускіх Еўрапейскіх гульняў займаліся даволі шчыльна.
Апошнія пытанні, якія сёння абмеркавалі на 45 Генеральнай асамблеі, - гэта і месца правядзення наступнай - 46 Генасамблеі, яна пройдзе ў Харватыі, таксама выслухалі і даклады прадстаўнікоў аргкамітэтаў Алімпійскіх гульняў у Пхенчане-2018 і Токіа-2020.
Беларусі гэтыя пытанні сталі блізкія, бо Еўрагульні ў нашай краіне стануць кваліфікацыйнымі па шматлікіх відах спорту няпярэдадні Алімпіяды ў Токіа.
Еўрапейскія гульні маюць вялікі турыстычны патэнцыял. І справа не толькі ў тых гледачах, якія прыедуць у нашу краіну, справа ў той шматмільённай тэлеаўдыторыі. Да першых Еўрапейскіх гульняў, якія праходзілі ў Баку, была прыкаваная ўвага ўсяго свету.
На першыя Еўрапейскія гульні ў Баку прыехалі больш як 28 тысяч турыстаў. Геаграфічнае становішча Беларусі - больш выгаднае, таму варта чакаць больш гасцей. Што датычыцца тэлеаўдыторыі, то малюначак распаўсюджваўся на 145 краін, а агульны лік гледачоў дасягнуў 823 мільёны чалавек. І падзей, у тым ліку і ў беларускім спорце, там было нямала. Дагэтуль успамінаюць вось гэты вялікі ўчынак самбіста Сцяпана Папова - ён адбыўся як раз у Баку.
Спорт закліканы аб'ядноўваць, і напярэдадні, ужо пасля таго як наша краіна была аб'яўленая гаспадыняй Еўрапейскіх гульняў, Прэзідэнт Беларусі Аляксандр Лукашэнка адзначыў, што не выключаны і такі варыянт, калі краіны-суседкі будуць задзейнічаныя ў правядзенні асобных спаборніцтваў. Бо спорт, як адзначыў Кіраўнік дзяржавы, сцірае межы. Такі вопыт цікавы, у тым ліку і прэзідэнту Нацыянальнага алімпійскага камітэта Польшчы Анджэю Красніцкі.
Удзельнікі асамблеі пакінулі Мінск, але толькі на час, бо менавіта беларуская сталіца стане ў найбліжэйшыя два-тры гады цэнтрам еўрапейскага алімпійскага руху.
