Надзённыя і стратэгічныя пытанні меліярацыйных работ вынесены на нараду ў Прэзідэнта

Стратэгічным і надзённым пытанням, як кажуць "ад зямлі", сёння была прысвечана вялікая нарада ў Прэзідэнта. На парадку - работа біятэхналагічнай карпарацыі і меліярацыі ў краіне. Усё ўзаемазвязана. Бо ад таго, наколькі якасна і ў тэрмін будуць праведзены неабходныя работы ў тым ліку, залежыць, чым загрузім заводы БНБК, каб атрымаць прадукцыю з высокай дабаўленай вартасцю. Гэта пытанне не толькі сённяшняга дня, але і зачын для будучых пакаленняў. У краіне кінуты вялізныя сілы і сродкі, каб павысіць культуру земляробства. Як справядліва падкрэсліў сёння кіраўнік дзяржавы, кожны лапік зямлі павінен быць у севаабароце. Дамовіліся: да 2025 года патроіць аб'ёмы меліярацыйных работ, прыняты рашэнні па фінансаванні і закупе неабходнай тэхнікі, але праблемы застаюцца. Не дацягвае якасць работ, а часам грошы проста закапаныя ў зямлю, эфекту ад меліярацыі проста нуль. Як дакладвае КДК, ва ўсіх абласцях ёсць прыпіскі. Асобнае пытанне - тэхніка і яе стан. Ілона Красуцкая з падрабязнасцямі гэтай прынцыповай размовы (відэа).