Як стабілізаваць будаўнічую галіну Беларусі - канкрэтныя прапановы выпрацуе беларускі ўрад. Аб гэтым сёння заявіў Андрэй Кабякоў на пасяджэнні Савета Міністраў. Кіраўнік урада заслухаў справаздачы міністра архітэктуры і будаўніцтва, старшыняў аблвыканкамаў і Мінскага гарвыканкама аб выкананні даручэнняў Кіраўніка дзяржавы па павышэнні эфектыўнасці працы падрадных арганізацый і домабудаўнічых камбінатаў.
Прэм'ер-міністр канстатаваў, што ва ўмовах скарачэння інвестыцыйнай актыўнасці і аб'ёмаў будаўніцтва, а таксама высокай закрэдытаванасці арганізацый востра стаяць пытанні задзейнічання створаных і мадэрнізаваных вытворчых магутнасцяў будаўнічага комплексу, захавання працоўных калектываў, ухілення бар'ераў, якія перашкаджаюць нарошчванню экспарту і навядзенню парадку з разлікамі.
