Сёння дэпутаты ў першым чытанні адобрылі законапраект аб альтэрнатыўнай службе ў арміі. Паводле дакумента, альтэрнатыўшчыкамі будуць лічыць маладых людзей ад 18 да 27 гадоў, чыя вера не дазваляе быць у арміі і дакранацца да зброі. Вызначаны і тэрміны службы - 3 гады для мужчыны без вышэйшай адукацыі і 2 гады для ваеннаабавязанага з дыпломам ВНУ. На альтэрнатыўнай службе трэба будзе працаваць 48 гадзін 6 дзён за тыдзень. Грашовае забеспячэнне плануецца ў памеры 150% ад найбольшай велічыні бюджэту пражытачнага мінімуму.
Плануецца, што альтэрнатыўшчыкі будуць працаваць у галіне сацабароны, медустановах, лясной гаспадарцы, а таксама на аб'ектах ЖКГ. На час праходжання такой службы чалавека забяспечаць памяшканнем, прыдатным для пражывання.
