ААН павінна стаць практычным інструментам для рашэння спрэчак без насілля і вайны. Пра гэта заявіў міністр замежных спраў Беларусі, калі выступаў з трыбуны Генеральнай асамблеі ААН. Уладзімір Макей заклікаў паставіць кропку ў халоднай вайне, якая ў свой час не завяршылася прыняццем мірнай дамовы, што выклікала глабальную палітычную нестабільнасць у свеце.
Уладзімір Макей адзначыў, што некаторым гэтая ідэя можа здацца нерэальнай. Але менавіта гэтак жа тры гады таму ўспрымалася прапанова Прэзідэнта Беларусі ўвесці міратворцаў ва Украіну. А зараз яе актыўна абмяркоўваюць у ААН. Падчас свайго выступлення кіраўнік МЗС закрануў і пытанне глабалізацыі, якая не спрацавала па формуле "выйграваюць усе". Зрабіць працэс больш справядлівым можна за кошт інтэграцыі інтэграцый - узаемадзеяння і спалучэння паміж рэгіянальнымі працэсамі. Да новых ідэй Мінск адносіць прапанову Кітая "Адзін пояс - адзін шлях". Гэта новы від шматбаковых эканамічных адносін. Выгаду ад яго атрымаюць як усе яго асобныя ўдзельнікі, так і глабальная эканоміка ў цэлым.
