Пацверджаннем таго, што двухбаковыя адносіны Беларусі не абмяжоўваюцца супрацоўніцтвам у рамках інтэграцыйных аб'яднанняў, стаў сённяшні візіт турэцкай урадавай дэлегацый у Мінск. Сёння быў першы дзень перамоў. Асноўны заўтра. Але візіт ужо назвалі знакавым.
Чаму - ведае Святлана Канапацкая.
Джэміль Чычэк прыляцеў у Мінск сёння днём. Прамыя рэйсы са Стабмулам - адна з пераваг, якая дазваляе краінам надаць паскарэнне і развіццю адносін. Ужо ў аэрапорце пазначаная мэта візіту і яго прыярытэты.
Джэміль Чычэк, Старшыня Вялікага нацыянальнага сходу Турцыі: Мэта нашага візіту - развіццё адносін паміж парламентамі дзвюх краін. Беларусь - важная краіна для Турцыі. Двухбаковыя адносіны ўжо даўно развіваюцца. Адносіны паміж урадамі доўгі час развіваюцца ў дружалюбным кірунку. Мы ў якасці кіраўнікоў парламентаў нашых краін прыкладаем усё намаганні для развіцця гэтых адносін, і візіт дапаможа нам у гэтым кірунку.
Пра тое, як парламентарыі будуць садзейнічаць развіццю адносін, абмеркавалі ў Савеце Рэспублікі. Адна з тэм - бязвізавы рэжым. Беларускі бок паінфармаваў: усе пагадненні ратыфікаваныя. У адказ Джэміль Чычэк паабяцаў са свайго боку паскорыць працу над стварэннем зоны бязвізавага рэжыму. Дамовіліся паскарацца і па іншых кірунках. У прыватнасці, Джэміль Чычэк паабяцаў нагнаць адставанне ў абмене візітамі.
Выніковыя высновы спікера Верхняй палаты беларускага парламента таксама аптымістычныя. Анатоль Рубінаў перакананы, што зараз магчымасцяў для супрацоўніцтва ў краін дадасца.
Гатоўнасць садзейнічаць развіццю эканамічных адносін - яшчэ адна з тэм абмеркавання. Беларускі бок перакананы, што імкненне Турцыі ў Еўрасаюз гэтаму не перашкода.
Адносіны Беларусі з Турцыяй характарызуюцца адсутнасцю супярэчнасцяў і канфліктаў. Асабліва адзначаюць высокі ўзровень узаемадзеяння на міжнароднай арэне.
У 2010 годзе адбыўся візіт Аляксандра Лукашэнкі ў Турцыю. Дасягнутыя тады дамоўленасці ўвасобленыя ў рэальныя праекты. Тавараабарот паміж краінамі расце, летась да лічбы дадалі 30%.
Сёння парламентарыі працягваюць пачатую працу. Дасягнутыя дамоўленасці кіраўнікі парламентаў сёння ж замацавалі ў Пратаколе аб міжпарламенцкім супрацоўніцтве.
