З 14 верасня кандыдаты на пасаду Прэзідэнта краіны атрымаюць магчымасць пагутарыць з выбаршчыкамі ў тэлеэфіры, а праз яшчэ тыдзень - выступіць і на радыё. Сёння ў цэнтрвыбаркаме Беларусі назвалі дакладныя даты і час выступленняў у СМІ ўсіх удзельнікаў палітычнай гонкі. Эфір выдзяляецца бясплатна, але, калі запатрабуецца дадатковы час, кандыдат у Прэзідэнты можа яго набыць за кошт асабістых сродкаў. На пасяджэнні ЦВК абмеркавалі і арганізацыйныя моманты тэледэбатаў.
Лідзія Ярмошына, Старшыня Цэнтральнай камісіі Беларусі па выбарах і правядзенні рэспубліканскіх рэферэндумаў: "Мы прадаўжаем парадак вядзення перадвыбарнай агітацыі. Раней усё ўкладвалася, скажам так, у двухтыднёвы перыяд, прынамсі выдзяленне эфірнага часу. Зараз кандыдаты будуць у бясплатным эфіры месяц, і гэта вельмі добра. Магчымасць напамінку аб сабе. Спачатку ў тэлевізійным эфіры, потым прадаўжаецца радыйным".