Сёння ў Ташкенце пад старшынствам Беларусі пройдзе пасяджэнне Савета Міністраў замежных спраў СНД. У парадак уключана каля дзясятка пытанняў, і галоўнае - пагадненне, якое цікавіць большасць грамадзян Садружнасці. Размова ідзе аб прызнанні дыпломаў аб вышэйшай адукацыі. Таксама дыпламаты абмяркуюць пагадненне аб супрацоўніцтве пагранічных ведамстваў. Дакумент паскорыць рэагаванне на сучасныя пагрозы. Будуць закрануты тэмы спорту і турызму і супрацоўніцтва ў гуманітарнай галіне.
Андрэй Савіных, начальнік упраўлення інфармацыі, прэс-сакратар МЗС Беларусі: Плануецца разгледзець праект прызнання дакументаў аб вышэйшай і вышэйшай прафесійнай адукацыі. Акрамя таго, мяркуецца прыняцце рашэнняў па дакументах, што датычацца ўзаемадзеяння краін СНД у галіне бяспекі і барацьбы з правапарушэннямі, спорту і турызму.
У гэтыя хвіліны ў рамках пасяджэння Савета міністраў замежных спраў СНД у Ташкенце праходзяць двухбаковыя сустрэчы. Падрабязнасці - у нашых наступных выпусках.
